TNPSC Group 2 Exam Tips

நீங்களும் குரூப்-2 அதிகாரி ஆகலாம்

Review Score+10

GET THE JOBS UPDATES IN YOUR INBOX

நீங்களும் குரூப்-2 அதிகாரி ஆகலாம்

ஜெ.கு.லிஸ்பன்குமார்

 

  • தமிழக அரசுப் பணியில் பல்வேறு துறைகளில் அதிகாரி அந்தஸ்திலான பணிகளில் சேர தமிழ்நாடு அரசுப் பணியாளர் தேர்வாணையத்தின் குரூப்-2 தேர்வு (நேர்காணல் பதவிகள்) அரியதொரு வாய்ப்பை வழங்குகிறது (உதவியாளர் உள்ளிட்ட நேர்காணல் இல்லாத பதவிகளுக்குத் தனியாக வேறொரு குரூப்-2 தேர்வு நடத்தப்படுகிறது).

 

2016-08-06_10-38-08

 

யார் எழுதலாம்?

 

  • ஏதேனும் ஒரு பாடத்தில் பட்டப் படிப்பு முடித்தவர்கள் குரூப்-2 தேர்வை எழுதலாம்.

 

வயது வரம்பு

 

  • பொதுப் பிரிவினருக்கு இட ஒதுக்கீட்டுப் பிரிவினருக்கும், பொதுப் பிரிவு உள்பட அனைத்து வகுப்புகளைச் சேர்ந்த ஆதரவற்ற விதவைகளுக்கும் வயது வரம்பு ஏதும் கிடையாது.
  • ஆனால், துணை வணிகவரி அதிகாரி பணிக்கு மட்டும் வயது வரம்பு 35 ஆக நிர்ணயிக்கப்பட்டுள்ளது.
  • கூடுதல் கல்வித் தகுதியாக பி.எல். முடித்திருந்தால் 2 ஆண்டுகள் வயது வரம்பில் தளர்வு உண்டு.
  • இதே வயது வரம்புத் தளர்வு, பொதுப் பிரிவினருக்கும் வழங்கப்படுகிறது. அவர்களுக்கு வயது வரம்பை 32 ஆக நிர்ணயித்துள்ளனர்.
  • மேலும், இளநிலை வேலைவாய்ப்பு அலுவலர் (மாற்றுத் திறனாளிகள்) பணிக்குப் பொதுப் பிரிவினர் 40 வயது வரை விண்ணப்பிக்கலாம்.

 

காலியிடங்கள்

 

  • துணை வணிகவரி அதிகாரி,
  • சார்-பதிவாளர்,
  • சிறைத்துறை நன்னடத்தை அதிகாரி,
  • உதவி தொழிலாளர் ஆய்வாளர்,
  • இளநிலை வேலைவாய்ப்பு அலுவலர் (பொது),
  • இளநிலை வேலைவாய்ப்பு அலுவலர்
  • லஞ்ச ஒழிப்புத்துறை சிறப்பு உதவியாளர்,
  • டிஎன்பிஎஸ்சி உதவி பிரிவு அதிகாரி,
  • உள்ளாட்சி நிதி தணிக்கை உதவி ஆய்வாளர்,
  • இந்து சமய அறநிலைய ஆட்சித்துறை தணிக்கை ஆய்வாளர்,
  • தொழில் கூட்டுறவு சங்க மேற்பார்வையாளர்,
  • கூட்டுறவு சங்கங்களின் முதுநிலை ஆய்வாளர், வேளாண்மை விற்பனைத் துறை மேற்பார்வையாளர்,
  • கைத்தறி ஆய்வாளர், வருவாய் உதவியாளர்,
  • பேரூராட்சி செயல் அலுவலர் (கிரேடு-2) என 18 விதமான பதவிகளில் காலியிடங்களை நிரப்ப டிஎன்பிஎஸ்சி அறிவிப்பு வெளியிட உள்ளன.

 

குரூப்-2 தேர்வானது,

 

  1. முதல்நிலைத் தேர்வு,
  2. முதன்மைத் தேர்வு,
  3. நேர்காணல் என மூன்று நிலைகளை உள்ளடக்கியது. முதல்நிலைத் தேர்வை வடிகட்டும் தேர்வு என்று சொல்லலாம்.

 

  • “ஒரு காலியிடத்துக்கு 10 பேர்” என்ற விகிதாச்சார அடிப்படையில் முதல்நிலைத் தேர்விலிருந்து முதன்மைத்தேர்வுக்கு விண்ணப்பதாரர்கள் தேர்வு செய்யப்படுவர்.

 

முதல்நிலைத் தேர்வு

 

  • முதல்நிலைத் தேர்வில் பொது அறிவு (75 கேள்விகள்), பகுத்தாராயும் திறன் (25 கேள்விகள்) பகுதிகளில் இருந்து வினாக்கள் இடம்பெறும்.
  • அத்துடன் பொதுத் தமிழ் அல்லது பொது ஆங்கிலம் பகுதியில் 100 வினாக்கள் கேட்பார்கள். மொத்தம் 300 மதிப்பெண்கள்.

 

முதன்மைத் தேர்வு

 

  • இரண்டாம் கட்ட தேர்வான, முதன்மைத்தேர்வு விரிவாக விடை அளிக்கும் வகையில் அமைந்திருக்கும். இதற்கு 300 மதிப்பெண்கள்.

 

நேர்காணல்

 

  • நேர்முகத் தேர்வுக்கு 40 மதிப்பெண்கள்.
  • முதன்மைத்தேர்வு மற்றும் நேர்முகத் தேர்வு மதிப்பெண்கள் அடிப்படையில் பணிக்கு ஆட்கள் தேர்வுசெய்யப்படுவார்கள்.

 

விண்ணப்பிக்கும் முறை

 

  • முதல்நிலைத் தேர்வு தமிழகம் முழுவதும் பல்வேறு மையங்களில் நடத்தப்பட உள்ளது. இதற்கு tnpscexams.net என்ற முகவரியில் ஆன்லைனில் விண்ணப்பிக்க வேண்டும்.
  • விண்ணப்பக் கட்டணம் ரூ. தேர்வுக் கட்டணம் ரூ.75. இதை நெட் பேங்கிங் மற்றும் டெபிட் கார்டு, கிரெடிட் கார்டு மூலமாக ஆன்லைனிலேயே செலுத்திவிடலாம்.
  • மேலும், இந்தியன் வங்கி கிளைகள் மற்றும் தபால் அலுவலகங்களில் கட்டணத்தைச் செலுத்தவும் ஏற்பாடு செய்யப்பட்டுள்ளது.
  • தேர்வுமுறை, பொது அறிவு, பொதுத் தமிழ், பொது ஆங்கிலப் பாடங்களுக்கான பாடத்திட்டம் தொடர்பான விவரங்களை டிஎன்பிஎஸ்சி இணையதளத்தில் (tnpsc.gov.in) விரிவாகத் தெரிந்துகொள்ளலாம்.

 

இட ஒதுக்கீடு

 

  • தமிழ்வழியில் படித்தவர்களுக்கு தமிழக அரசுப் பணியில் 20 சதவீத இட ஒதுக்கீடு வழங்கப்படுகிறது. அந்த வகையில், குரூப்-2 தேர்வுக்கு நிர்ணயிக்கப்பட்டுள்ள குறைந்தபட்சக் கல்வித் தகுதியான பட்டப் படிப்பைத் தமிழ்வழியில் படித்தவர்களுக்கு மொத்தமுள்ள காலியிடங்களில் 20 சதவீத இடங்கள் ஒதுக்கப்படும்.

 

முதலில் தெரிவி!

 

  • அதேபோல், வருவாய் உதவியாளர் பணியில் பெண்களுக்கான 30 சதவீத ஒதுக்கீட்டில், 10 சதவீதம் ஆதரவற்ற விதவைகளுக்காக ஒதுக்கப்பட்டுள்ளது.
  • பட்டப் படிப்பைத் தமிழ்வழியில் படித்தவர்களும், ஆதரவற்ற விதவைகளும் ஆன்லைனில் விண்ணப்பிக்கும்போதே இந்த விவரத்தைப் பதிவுசெய்துவிட வேண்டும்.
  • அவ்வாறு செய்யாமல் முதன்மைத் தேர்வு நேரத்திலோ நேர்முகத் தேர்வு சமயத்திலோ சொன்னால் தங்களுக்கான உரிமைகளைப் பெற முடியாது.