TNPSC அனைத்து தேர்வுகளும் திட்டமிட்டபடி நடக்கும் குரூப் 1 முதல் குரூப் 4 வரை | டிஎன்பிஎஸ்சி அதிகாரிகள் | TNPSC Latest News

எந்த தேர்வும் ரத்து செய்யப்படாது என்றும், திட்டமிட்டபடி  அனைத்து தேர்வுகளும் நடத்தப்படும் என்றும் டிஎன்பிஎஸ்சி (TNPSC) தெரிவித்துள்ளது. 

• கொரோனா பரவலை கட்டுப்படுத்த 144 தடை அமல்படுத்தப்பட்டு,  பல்வேறு தேர்வுகளும் ஒத்தி வைக்கப்பட்டுள்ளன.
• அரசு ஊழியர் ஓய்வுபெறும் வயதும் நீட்டிக்கப்பட்டது. இதுபோன்ற காரணங்களினால்,  டிஎன்பிஎஸ்சி தேர்வுகள்   நடைபெறுமா என கேள்வியெழுந்துள்ளது.
• இந்நிலையில்,  2020-ம்  ஆண்டுக்கான தேர்வு அட்டவணையின் படி குரூப் 1 முதல் குரூப் 4 வரை அனைத்து தேர்வுகள் திட்டமிட்டபடி நடைபெறும் என டிஎன்பிஎஸ்சி அதிகாரிகள் தெரிவித்துள்ளனர்.
• அரசு ஊழியர்களின் ஓய்வு பெறும் வயது நீட்டிக்கப்பட்டுள்ளதால், நடப்பு ஆண்டில் தேர்வுகள் ரத்தாக வாய்ப்புள்ளது என்ற தகவல் தவறானது எனவும் டிஎன்பிஎஸ்சி அதிகாரிகள் கூறியுள்ளனர்.
• எனவே, டி.என்.பி.எஸ்.சி., தேர்வர்கள், எந்த அச்சமும் கொள்ள தேவையில்லை. தேர்வுக்கு தொடர்ந்து பயிற்சி பெறலாம்.இவ்வாறு, அவர்கள் கூறினர்.